42 raste të reja me Covid kishim sot në Shqipëri, gjë që ka ngritur sërish alarmin në vend.

Ndërkaq, sapo është regjistruar një viktimë te Infektivi duke e çuar në 35 numrin e të vdekurve në vend, si pasojë e pandemisë.

Sipas burimeve nga Infektivi, pacientja 81 vjeçare ishte asimptomatike ndërsa ende nuk bëhet me dije emri i saj.

“Ministria e Shëndetësisë informon se, referuar shërbimit infektiv, 81 vjeçarja ka ndërruar jetë nga insuficienca multiorganore dhe ishte asimptomatike për Covid19.

81-vjeçarja vuante dhe nga Insuficience multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma”, thuhet nga MSH.