Seanca plenare e ditës së sotme ku pritet që të votohen ndryshimet Kushtetuese, ka nisur me tensione dhe debate mes deputetëve.

Teksa mbante fjalën deputeti Korab Lita, ka pasur përplasje mes deputetëve të opozitës, të cilët jashtë mikrofonit kanë replikuar ashpër me njëri tjetrin.

Kryetari i Kuvendit Gramoz Ruçi i ka tërhequr vëmendjen disa herë deputetit Ardiatik Alimadhi, por ky i fundit ka vijuar debatin.

“Zoti Alimadhi… për të disatën herë po të tërheq vëmendje, të lutem shumë. Po të jap vërejtje”, ka thënë Ruçi.

Sakaq edhe Lita i drejtohet Alimadhit duke i thënë të mos frikësohet nga ndryshimet Kushtetuese.

“Mos u frikëso nga ndrysjimet kushtetuese… Këtu dot hapet porta drejt dhënies fuqi të qytetarëve… Zotin Alimadhi dua ta siguroj sot dhe këdo koleg se sot hapet porta për të shkuar…”, tha Lita.