Pas 40 ditësh trajtimi në terapinë intensive të maternitetit “Koço Gliozheni” në Tiranë, trinjakët e lindur prematurë Roi, Ajsi dhe Ersa Boçi ndodhen sot jashtë rrezikut për jetën dhe gëzojnë shëndet të plotë.

Lajmin e mirë e bën me dije ministrja e Shëndetësisë, Ogerta Manastirliu me anë të një mesazhi të publikuar në rrjetet sociale, ku falenderon stafin e maternitetit për përkushtimin dhe ekspertizën e tyre që mundëson rikthimin e trinjakëve shëndosh e mirë në shtëpi.

“Pas 40 ditësh të vështira në shërbimin e terapisë intensive, trinjakët Roi, Ajsi dhe Ersa sot kanë dalë nga rreziku dhe gëzojnë shëndet të plotë. Mirënjohje për dr. Alma Hysa për përkushtimin ndaj trinjakëve që e fituan betejën për jetën su dhe për të gjithë stafin e Reanimacionit të Maternitetit “Koço Gliozheni”, për kujdesin e jashtëzakonshëm për të lindurit prematurë. Trinjakët kanë përfituar sot edhe bonusin e bebes prej 360,000 lekë të reja dhe së shpejti do të jenë gati të shkojnë në shtëpi”, shkruan Manastirliu në rrjetet sociale.