Ministrja e Shëndetësisë, Ogerta Manastirliu, tha se ata persona që do të vaksinohen kundër koronavirusit, do të marrin një dokument të lëshuar nga portali qeveritar e-Albania, që do të mund të shërbejë si një “pasaportë udhëtimi” jashtë vendit.

E ftuar në emisionin “Opinion”, deklaroi se dokumenti do të merret nëpërmjet një kodi të skanuar, nëpërmjet e-Albania.

“Ne kemi planifikuar dhe e kemi gati që nëpërmjet e-Albania të merret formati i vaksinimit. Pra që ke kryer vaksinimin në dozën e parë. Do të merret nëpërmjet një kodi të skanuar nëpërmjet e-Albania”, tha Manastirliu.

Vaksinimi ka filluar në shumë vende të BE, por megjithatë nuk është marrë ende një vendim për përdorimin e “pasaportave të udhëtimit”.