Një shkarkesë elektrike në kutinë e shpërndarjes së linjës së energjisë ka shkaktuar zjarr mbrëmjen e sotme në një magazinë ushqimore në qytetin e Gjirokastrës.

Bëhet me dije se forcat zjarrfikëse kanë shkuar menjëherë në vendngjarje për të bërë të mundur shuarjen e flakëve. Pas ndërhyrjes është bërë e mundur shuarja e flakëve që mund të rrezikonin dhe dy banesat aty pranë.

Ndërkohë raportohet se si pasojë e zjarrit, u dogjën dyshemeja e drunjtë, një printer, një kompjuter, kaseta elektrike, tavanet e gipsit e dyert e drunjta. Sipas kreut te PMNZSH, gjeneral Pëllumb Shalarit, magazina e pozicionuar në zonën industriale paraqiste rrezik nëse zjarri do të prekte depozitën e madhe të gazit.

Objekti është në pronësi të Kristaq Pirpos dhe Aleko Lengos.