Një zjarr ka përfshirë një magazinë shtetërore në Lundër. Policia e Tiranës bën me dije se nga zjarri ka vetëm dëme materiale.

Është dashur ndërhyrja e zjarrfikësve për të vënë flakët nënkontroll. Sipas informacioneve, zjarri ka përfshirë magazinën nr.3 e cila ndodhet pranë magazinës ku ruhen materialet zgjedhore. Deri më tani raportohet që janë djegur vetëm tavolina dhe karrige dhe jo dokumente.

Ndërkohë grupi hetimor po punon për sqarimin e rrethanave dhe përcaktimin e shkakut të rënies së zjarrit, teksa paraprakisht dyshohet se zjarri ka ardhur nga nxehtësia e lartë të disa baterive.