Dy vëllezër ishin pjesë e rubrikës “Shihemi në Gjyq” tek E Diela Shqiptare në tvklan.

Ata janë në konflikte me njëri-tjetrin dhe nuk flasin prej kohësh bashkë.

Eduardi ka marrë një kredi prej 15 milionë Lekësh në vitin 2008 për vëllain e tij Gramozin, i cili kishte një biznes të gjësë së gjallë.

Për arsye të shumta, kjo kredi nuk është paguar akoma dhe tani ka shkuar rreth 30 milionë Lekë.

Tani Eduardi i kërkon vëllai të tij Gramozit që të paguajë Lekët e kredisë sepse banka po e shqetëson atë dhe se mund t’ia marrë të gjitha pronat që ka.

Në një moment në studio situata tejkaloi normalitetin.

Të dy vëllezërit hoqën rripat e pantallonave për të gjuajtur njëri-tjetrin dhe gjithashtu patën edhe fjalor aspak të hijshëm.

Mes tyre u desh të ndërhynte stafi i emisionit për ti ndarë.