Disa pushues në plazhin e Velipojës kanë zgjedhur që këto ditë të nxehta vere t’i kalojnë duke u rrezitur nudo.

Në disa foto të publikuara nga JOQ Albania, shihen disa pushues në zonën e Rriollit, të cilët ishin nudo edhe pse plazhi ishte plot me fëmijë dhe familjarë.

Kjo nuk është hera e parë që pushuesit zhvishen në plazhet shqiptare dhe ankesat për këtë fenomen në plazhe publike kanë qenë të vazhdueshme.

Asnjë masë nuk ka pasur as nga policia dhe as nga autoritetet lokale për këta pushues që zgjedhin të bëjnë plazh nudo në vende publike, ku prania e fëmijëve dhe familjarëve është e madhe.