Shifrat e të prekurve me koronavirus në Shqipëri shënojnë çdo ditë e më shumë të infektuar. Të infektuar me coronavirus janë edhe punonjës të institucioneve, ndërsa vetë QSUT është kthyer në vatrën më të madhe të COVID-19.

Sipas dosja.al mësohet se është infektuar me koronavirus edhe një punonjës i Gardës së Republikës që shoqëron personalitete.

Mësohet se efektivi i Gardës kishte më shumë se një javë që kishte shfaqur simptoma por nuk testohej nga autoritetet shëndetësore. Ndaj testin e ka bërë në mënyrë private duke shmangur procedurat e ISHP-së. Pas tij, pozitiv ka rezultuar gjithashtu një tjetër efektiv i Forcave Speciale.

Nuk dihet se cila është gjendja shëndetësore e tyre megjithatë nuk përjashtohet mundësia që gjatë gjithë kohës që nuk u është bërë kontrolli, të dy efektivët e Gardës të kenë infektuar ndonjë personalitet të rëndësishëm që kanë shoqëruar. Megjithatë deri më tani nuk ka asnjë rast të konfirmuar.

Dita më e shumë raste të të infektuarve në Shqipëri, që prej rasteve të para, është dita e sotme, ku janë shënuar plot 57 raste të reja.