Qytetarët e Tiranë kanë shfrytëzuar orët e lirisë duke populluar edhe liqenin e Farkës këtë të diel.

Deri në orën 10:00 paradite kishin të drejtë të dilnin pensionistët, ndërsa nga ora 11:00 deri në 17:30 nënat me fëmijët deri në 14 vjeç.

Por ajo që është vënë re ditën e sotme është thyerja në masë e këtyre rregullave.

Nga liqeni i Farkës, gazetarja e Ora News, Anxhela Celibashi raportoi se së bashku më nënat dhe fëmijët, zona ishte e mbushur me të rinj dhe meshkuj, edhe pse ditën e sotme nuk lejohet të dalin.

Kjo situatë është paraqitur edhe në zona të tjera të Tiranës, ku pjesa më e madhe e qytetarëve kanë qenë pa maska e doreza.