Mjekët e QSUT-së kanë dhënë informacione për fëmijën 18 muajsh, i cili pësoi një aksident dhe ra vatrën e zjarrit ku nxirrej rakia në shtëpinë e tij në Skrapar.

Sipas mjekëve, fëmija ka shkuar pasditen e djeshme rreth orës 17:15 në QSUT, në repartin e djegie-plastikës dhe aktualisht gjendja paraqitet e stabilizuar.

“Në Shërbimin e Djegie-Plastikës ka ardhur me urgjencë në gjendje të rëndë shëndetësore me djegie në pjese të ndryshme të trupit pacienti me inicialet K. B., i moshës 18 muajsh. Gjendja e tij shëndetësore sipas mjekëve të shërbimit, paraqitet e stabilizuar. Fëmija ka pësuar djegie në 30% të trupit”, bëhet e ditur nga QSUT.

Stafi mjekësor është duke e mbajtur në monitorim të vazhdueshëm dhe po i jep përkujdesjen mjekësore të nevojshme, njoftojnë mediat në Shqipëri.