Kryeministri i Shqipërisë, Edi Rama me presidentin serb, Aleksander Vuçiq dhe kryeministri maqedonas Zoran Zaev ndodhen në Durrës për të parë nga afër dëmet e shkaktuara nga tërmeti i 26 nëntorit.

Vuçiq dhe Zaev po qëndrojnë në Tiranë në kuadër të takimeve për minishengenin ballkanik, për të cilin kanë thënë se kanë arritur shumë marrëveshje të rëndësishme. Ata dje janë pritur me protesta nga dega e Lëvizjes Vetëvendosje në Tiranë.

Vuçiq, Zaev dhe Rama pasi kanë mbajtur takimin e djeshëm duke tentuar të arrijnë marrëveshjen për “Mini-shengenin Ballkanik”, ata vazhdojnë të takohen edhe në ditët në vijim deri në finalizimin e marrëveshjes.