Pasi naftëtarët e Ballshit refuzuan kërkesën e kryeministrit Rama që të dalin nga greva për tu ulur në dialog, ka ardhur edhe reagimi i kreut të qeverisë.
Në një postim në Twitter, Rama ka ripërsëritur kushtin për bashkëbisedim me naftëtarët dhe shton se është ide e gabuar që t’i faturosh qeverisë kusuret e një kompanie private.
“Keqardhje për refuzimin për të ndërprerë grevën në Ballsh, sepse pa u ndalur greva nuk do të nisë dot asnjë bashkëbisedim! Ideja se duke u futur në grevë mund t’i faturosh qeverisë kusuret e një kompanie private është shumë e gabuar. Me t’u ndalur greva ulemi bisedojmë vëllazërisht”, shkruan Rama.
Kryeministri Rama ditën e sotme i ka bërë thirrje grave naftëtare në Ballsh që të ndalojnë grevën e urisë. Pas deklaratës së kryeministrit kanë reaguar naftëtarët. Ata janë shprehur se nga kryeministri kërkojnë zgjidhje konkrete për çështjen e pagave dhe jo postime në “Twitter”.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.