Kryeministri Edi Rama ka shkarkuar nga detyra si ministër i Brendshëm Bledi Çuçin dhe Taulant Balla do të jetë emri që do e zëvendësojë.

Me anë të një postimi në Twitter, Rama njofton se propozimet do ia dorëzojë Presidentit të Republikës ditën e hënë.

Kryeministri falenderon Çuçin për punën korrekte dhe uron që Balla të vijojë përpjekjen për reforma shtet-ndërtuese

REAGIMI:

Të hënën do t’i dorëzoj zyrtarisht Presidentit të Republikës propozimet e mëposhtme! Falenderoj ministrin Bledi Çuçi për punën e tij si gjithnjë korrekte edhe në këtë detyrë dhe uroj që ministri i ri i Punëve të Brendshme Taulant Balla, të çojë më tej përpjekjen tonë të palëkundur shtetndërtuese në çdo drejtim.