Kryeministri Rama ka takuar këtë të enjte në New York ndihmës sekretarin e shtetit Philip Reeker dhe të dërguarin special të SHBA-ve për Ballkanin Perëndimor Mathew Palmer.

Përmes një postimi në rrjetin social Rama shkruan se dy zyrtarët e SHBA-ve janë miq të kahershëm të Shqipërisë dhe mbështetës kryesorë të reformave në vend.

Postimi i plotë:

Me Ndihmës Sekretarin e Shtetit, Philip Reeker, dhe të Dërguarin Special të SHBA për Ballkanin Perëndimor, Mathew Palmer; dy miq të kahershëm të Shqipërisë e të shqiptarëve, njohës të sprovuar të çështjeve ballkanike dhe mbështetës të palëkundur të reformave demokratizuese në Shqipëri, e të rrugëtimit të vendit tonë drejt anëtarësimit nē Bashkimin Europian.