Raportuesja për Shqipërinë në Parlamentin Evropian, Isabel Santos, ka reaguar pas miratimit të ndryshimeve kushtetuese në Kuvend.

Santos përshëndet miratimin e listave të hapura, ndërsa iu bën thirrje të gjitha palëve politike, brenda dhe jashtë parlamentit, të vazhdojnë dialogun konstruktiv, që lejoi marrëveshja e 5 qershorit për Zgjedhoren, si kusht themelor për integrimin.

“Përshëndes miratimin e listave të hapura në Shqipëri. Është e rëndësishme që të gjitha palët, jashtë dhe brenda parlamentit, të vazhdojnë dialogun konstruktiv, që lejoi marrëveshja e 5 qershorit për Zgjedhoren, si kusht themelor për integrimin”, shkruan reporterja Santos.