Një sasi municionesh fishekësh dhe granata janë sekuestruar nga Policia e Elbasanit pranë fshatit Godolesh.

Uniformat blu u informuan nga qytetarët për këtë sasi municionesh. Policia thotë se gjeti dhe sekuestroi 15 arka me municione luftarake, fishekë pistoletë dhe automatiku si dhe 12 granata dore.

Nga veprimet e para dyshohet se si rezultat i kontrolleve të shtuara ditët e fundit nga Policia e Elbasanit në banesa, objekte të braktisura, magazina apo tunele, personat që mund t’i kenë pasur këto municione, i kanë fshehur në këtë zonë me qëllim shmangien e kontrollit të policisë.

Hetimet vijojnë për identifikimin dhe dokumentimin e plotë të kësaj ngjarje. /tvklan.al