×
  • Lajme
  • Shqipëria

    Shembja e Teatrit Kombëtar, Gjykata Kushtetuese pranon kërkesën e Metës për gjykim

    Reporteri
    17 Korrik 2020 | 8:31

    Gjykata Kushtetuese ka vendosur të shqyrtojë ankimimin që Presidenti Ilir Meta i bëri vendimit të Këshillit të Ministrave, për kalimin e truallit të Teatrit Kombëtar në pronësi të Bashkisë së Tiranës.


    Kjo kërkesë është bërë më 14 maj, ndërkohë që shembja e godinës së Tetrit Kombëtar u bë 3 ditë më pas, më 17 maj.

    Tashmë është kompetencë e Gjykatës Kushtetuese për të vendosur nëse kalimi në pronësi të Bashkisë i godinës së teatrit është i ligjshëm ose jo, e po ashtu edhe shembja e godinës që pati kundërshtime të forta, raporton abc.

    Presidenti më parë, është shprehur se godina e teatrit është pasuri kombëtare dhe ndryshimi i pronësisë, sipas tij, ka qenë i paligjshëm.

    Kjo është kërkesa e dytë që është çuar në Kushtetuese nga Presidenti Meta për teatrin kombëtar pas ligjit të posaçëm për shembjen e godinës.

    Këto dy ankimime do të shqyrtohen në momentin që Gjykata Kushtetuese do të jetë funksionale.

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!