Në Shkodër shënohet viktima e parë e COVID-19.

Ora News, informon se një 80 vjeçare e infektuar me koronavirus dhe që ishte e shtruar në spitalin e Shkodrës ndërroi jetë gjatë ditës së sotme.

E moshuara vuante nga disa sëmundje të tjera si tension, zemra dhe diabeti.

Kjo është viktima e dytë brenda një ore ndërkohë ministria e Shëndetësisë konfirmoi se një 84 vjeçare kishte ndërruar jetë në spitalin infektiv në Tiranë

Sot numri i të infektuarve në bashkinë Shkodër shkoi në 33.

Me dy vdekjet e mbrëmjes se sotme në Shqipëri raportohen 20 viktima dhe 333 raste gjithsej me koronavirus.