Dy persona kanë mbetur të vdekur pas një konflikti me armë të ndodhur mesditën e sotme brenda në ambientet e poliklinikës së Patosit.

Burime nga spitali i konfirmuan gazetares së Ora News, Inelda Vallja se fliter për dy persona që kishin mbërritur të vdekur.
Lajmi u konfirmua më pas dhe nga policia e shtetit

“Elis Kapaj ndërroi jetë në vendngjarje ndërsa në M. R, i plagosur ndërroi jetë në spital. Të dy janë nga Patosi” informoi policia.

Manuel Rrapaj vdiq brenda ambienteve të spitalit informoi gazetarja e Ora News.

Njoftimi paraprak

“Sot rreth orës 12:20, në ambientet e poliklinikës së Patosit si pasojë e një konflikti, shtetasi Martin Skëndaj ka qëlluar me armë zjarri dhe për pasojë ka mbetur një shtetas i vrarë dhe një i plagosur.

Falë veprimeve të shpejta dhe profesionale të policisë, është bërë e mundur kapja e autorit dhe sekuestrimin i armës së zjarrit.”

Po punohet për zbardhjen e plotë të rrethanave të ngjarjes.”