Një person është vrarë me thikë në Bulqizë.

Ngjarja e rëndë ka ndodhur paraditen e sotme, rreth orës 10:00 pas një konflikti.

Viktimë mbeti një 21-vjeçar pas një sherri mes të rinjve në qendër të qytetit të Bulqizës.

I riu ndërroi jetë si pasojë e plagëve të marra.

Bulqizë / informacion paraprak

Rreth orës 10.00, në qytetin e Vjetër Bulqizë, dyshohet se gjatë një konflikti për motive të dobëta, shtetasi F.K, ka plagosur me thikë shtetasin A.P, rreth 21 vjeç, i cili gjatë rrugës për spital ka humbur jetën.

Forcat e Policisë janë vënë në ndjekje të autorit, ku po krihet zona dhe janë ngritur pika kontrolli në akset rrugore me qëllim kapjen e tij.

Grupi hetimor vijon hetimet në vendngjarje.