Një 23-vjeçar shqiptar ra në prangat e policisë italiane në Castiglion Fiorentino. Mediat e huaja raportojnë se shqiptari së bashku me 30-vjeçarin rumun ishin nën vëzhgim prej kohësh.

Operacioni i karabinerëve nisi pas disa dozave të vogla të shitura tek fëmijët e qytetit. Ata kontrolluan të dy shtëpitë e të dyshuarve, ku sekuestruan rreth 1.5 kg marijuanë. Në banesën e 23-vjeçarit u gjetën 2 mijë doza të fshehura në papafingo, ndërsa tek shtëpia e 30-vjeçarit u gjet vetëm 1 gram heroinë, e raportuar për përdorim personal.

23-vjeçari ishte i njohur për policinë sepse në atë zonë, përveçse i akuzuar për trafikim droge ai shpesh ishte përfshirë me vëllain e tij në përleshje.