Struktura e Posaçme Kundër Korrupsionit dhe Krimit të Organizuar e njohur si SPAK, ka shpallur në kërkim ndërkombëtar ish-zëvendëskryeministrin e Shqipërisë, Arben Ahmetajn.

Interpoli dhe institucionet e tjera ligjzbatuese ndërkombëtare janë njoftuar, thuhet në raportimin e mediave në Shqipëri.

SPAK ka ngritur akuzë ndaj tij për tre vepra penale.

Kuvendi i Shqipërisë i hapi më 14 korrik 2023 rrugë arrestimit të ish-zëvendëskryeministrit Arben Ahmetaj.

Në seancën e posaçme plenare, 117 deputetë votuan pro kërkesës së SPAK për arrestimin e Ahmetajt, duke i hequr kështu imunitetin e deputetit.