Një 80-vjeçar ka mbetur i plagosur ditën e sotme në Tiranë pasi i ka shpërthyer një bombël gazi brenda në banesë.

Ngjarja ka ndodhur në rrugën Nikoll Keta, ndërsa i moshuari është identifikuar me inicialet Z.K. Sipas informacioneve, 80-vjeçari është dëmtuar në këmbë.

Ai është transportuar në spital dhe ndodhet jashtë rrezikut për jetën.

Njoftimi i Policisë

Tiranë/Informacion paraprak

Më datë 25.07.2020, rreth orës 17:40, në rrugën “Nikoll Keta”, në banesën e shtetasit Z.K., 80 vjeç, ka plasur një bombël e vogël gazi, për pasojë është dëmtuar në këmbë shtetasi Z.K, i cili u dërgua në spital dhe ndodhet jashtë rrezikut për jetën . Grupi hetimor dhe shërbimet e Policisë vijojnë puna për zbardhjen e plotë të rrethanave të ngjarjes./ Opinion.al /Reporteri.net/