Janë rikthyer sërish tensionet në plazhin e Velipojës, teksa policia i ka kërkuar banorëve të objekteve që kërkohen të shemben, që të largohen nga vendi i ngjarjes.

Por sërish banorët dhe pronarët e godinave kanë kundërshtuar vendimin e IKMT-së dhe kanë lajmëruar se nuk do të largohen nga ndërtesat. Në kundërpërgjigje policia ka përdorur forcën dhe gazin lotsjellës për të larguar banorët që kundërshtojnë vendimin për prishjen e godinave të tyre.

Një prej godinave tashmë është hedhur në tokë nga fadroma.

Madje këtë të enjte, pronari i një biznesi i ka bërë thirrje qeverisë që të rishikojnë vendimin, pasi godina që ai zotëron është puna e 30 viteve.

“Ju që keni ardhur këtu kishit shkuar me kapur drogën. Ju shkoni te drogë jo te mundi dhe të djersa. Kemi punuar për 30 vite dhe nuk mund të na e prishni për pesë minuta. Ne nuk jemi serbë. Jemi shqiptarë, jemi velipojanë, na janë bërë duart gjak”, tha pronari i një prej subjekteve.