Duke nisur nga kjo e hënë, spitali i Sanatoriumit, do t’i rikthehet funksionimit të tij normal, teksa i vetmir spital që do të shtrojë pacientët Covid, do të jetë ai i Infektivit.

Lajmin e ka përcjellë Ministrja e Shëndetësisë, e cila deklaroi se spitali ‘Shefqet Ndroqi’ do të punojë tashmë për të trajtuar pacientët jo-Covid.

STATUSI NGA OGERTA MANASTIRLIU

Në spitalin universitar “Shefqet Ndroqi”, i cili nga sot nuk do të jetë më spital COVID dhe të gjitha rastet e të prekurve nga COVID19 po trajtohen në spitalin infektiv. Plani i ri-hapjes parashikon edhe rikthimin e ndërhyrjeve të planifikuara në spitale, duke vendosur qytetarin në qendër, të të gjithë shërbimeve tona të kujdesit shëndetësor.