Të buzëqeshur, pa shtrëngim duarsh por me bërrylat bashkë- kështu ka qenë takimi i sotëm mes presidentit të Republikës, Ilir Meta dhe kryeministrit Edi Rama.

Të gjendur në Këshillin Kombëtar të Integrimit, në kushte pandemie, Meta dhe Rama kanë realizuar përshëndetjen “hit” të momentit. Në këtë takim ballë për ballë, i munguar prej kohësh ka qenë i pranishëm edhe kreu i Kuvendit, Gramoz Ruçi.

Përgjatë kësaj kohe kemi parë se si liderë të ndryshëm botërorë kanë shmangur takimin tradicional për t’i lënë vend një zakoni të ri, më të sigurt.