Një grua ka mbetur e vrarë ndërsa 5 persona kanë të mbetur të plagosur, nga të shtënat me armë zjarri mbrëmjen e kësaj të diele në Tiranë.

Persona ende të pa identifikuar qëlluan me breshëri në drejtim të një lokali në zonën e Don Boskos.

Zëvendësdrejtori i Krimeve të Rënda, në policinë e Tiranës, Alket Shatro në një prononcim për gazetarët tha se nga ngjarja ka mbetur e vrarë Mimoza Paja, rreth 60 vjeçe.

Të plagosurit janë:

Sahit Murati (xhaxhai i Fatjon Muratit),

Astrit Meraj,

Emanuel Sala,

Ermir Bejuku,

Genc Shohalli.

Po ashtu, një vajzë rreth 10 vjeçe ka mbetur e lënduar nga xhamat e fasadës së lokalit.

Sipas raportimeve, viktima dyshohet se është banakierja e lokalit.

Sa i përket të plagosurve, ata raportohet se janë transportuar në Spitalin e Traumës dhe janë jashtë rrezikut për jetën./Tv Klan