Dy turistë nga Belgjika, kanë humbur rrugën në një zonë të thellë duke ekploruar malet në Tropojë. Sipas burimeve policore ata kanë njoftuar policinë dhe pas disa orë kërkimesh është bërë e mundur gjetja e tyre në vendin e quajtur “Stakaj”.

Bëhet fjalë për një djalë 25 vjeç dhe një vajzë 26 vjeçe. Nga informacionet mësohet se turistët kanë kërkuar ndihmë pas një dëmtimi që 25-vjeçari kishte pësuar në këmbë dhe që e pengonte të lëviste.

Ata janë dërguar në spitalin e Tropojës për trajtim mjekësor, ku ndodhen jashtë rrezikut për jetën.