Gjykata e Tiranës ka caktuar sot masat e sigurisë për disa protestues, të arrestuar gjatë tubimit të dytë dhe të tretë për Klodian Rashën.

Sipas “News24”, në burg janë lënë 3 protestues, ndërsa për pesë prej tyre është dhënë masa e sigurisë “arrest shtëpie”.

Po ashtu, nëntë prej të arrestuarve janë lënë në detyrim paraqitje, ndërsa 30 të tjerë pritet të dalin nesër para Gjykatës për masën e sigurisë.

Protestat për vrasjen e Klodian Rashës vijojnë, ndërsa në rrjetet sociale është dhënë njoftimi se pasditen e sotme, në orën 18:00, do të mbahet tubimi i radhës.