Ditën e djeshme u përhap lajmi se Alvin Berisha, vogëlushi shqiptar ishte shpëtuar nga kampi i Al Holit në Siri.

Ishin mediat në gjuhën arabe që shkruan se ishe ndërmarrë një operacion dhe vogëlushi ishte në një vend të sigurt.

Por sot Afrim Berisha, babai i Alvinit shkruan se ky lajm nuk është i vërtetë dhe se djali i tij ndodhet akoma në kamp.

“Vëllezër e motra, nëna e baballarë, miq e shok mos i besoni kujt për lajmin që u dha, nuk është i vërtetë, Prisni nga unë, jam duke u marrë me letra akoma, ju përshëndes nga larg. Shumë faleminderit, ju rujt Zoti”, shkruan Afrim Berisha.

Historia e vogëlushit Alvin Berisha i cili u çua nga e ëma në kampin Al Hol preku zemrat e shqiptarëve pasi historia u publikua nga emisioni investigativ italian “Le Iene”.