Këshilli i Ministrave ka vendosur ditën e sotme dhënien e një ndihme prej 50 milionë lekësh të vjetra për familjen e efektivit të vrarë Saimir Hoxha.

Sipas njoftimit zyrtar bëhet me dije se për dhënien e kësaj ndihme ministri i Brendshëm ka propozuar ndryshimin e ligjit “Për buxhetin e viti 2021”.

Sipas vendimit i cili është miratuar sot nga qeveria, ndihma prej 5 milionë lekësh (të reja) do të përballohet nga fondi rezervë i buxhetit të shtetit.

Ndërkohë kujtojme se ditën e sotme ministri Çuçi njoftoi se familja do të përfitojë një pension të rregullt së bashku me fëmijët. Ndërsa pas fillimit të universitetit ata do të përfitojnë 170% te pages se te atit.

Kujtojmë se efektivi Hoxha është vrarë në krye të detyrës gjatë një inspektimi kundër kanabisit në terren, në Lezhë.