Një tjetër pacient ka ndërruar jetë në spitalin Infektiv në Shqipëri, si pasojë e koronavirusit.

Bëhet fjalë për një 74-vjeçar nga Kruja.

I moshuari ishte shtruar rreth një javë më parë në spital, pas përkeqësimit të gjendjes shëndetësore.

Me rastin e tij shkon në 129 numri i viktimave në Shqipëri, qysh nga nisja e pandemisë.

Situata paraqitet e rënduar në spital, ku aktualisht në spitalin Infektiv dhe spitalin “Shefqet Ndroqi” po trajtohen 124 pacientë, 21 janë në terapi intensive dhe 11 pacientë janë të intubuar.