Qendra e Vetëvendosjes në Shqipëri zhvilloi një protestë kundër vizitës në Tiranë të presidentit serb Aleksandër Vuçiq dhe kreut të serbëve të Bosnjës, Milorad Dodik.

“Dy Trepça kemi ne, Rama e Thaçi shesin tre; Aleksandër Vuçiç dhe Milorad Dodik ‘Non Grata’ në Shqipëri”, shkruhej në një nga pankartat e VV-së.

Pasi mbërriti në Tiranë rreth orës 21:00 për t’iu bashkuar pjesës tjetër të liderëve të Ballkanit në përgatitje për Samitin e Brdo-Brijunit, Vuçiq foli për protestat e VV-së.

“Sot ka pasur demonstrues, por për çfarë proteston Albin Kurti (kryetar i Vetëvendosjes) nuk më intereson. Pra nuk jam i impresionuar nga organizimi i protestave, por do të isha impresionuar nga arritja e ndonjë rezultati”, tha Vuçiq.

Kujtojmë se gjatë protestës janë shoqëruar disa incidente, ndaj policia ka shoqëruar disa nga protestuesit.

VV proteston kundër ardhjes së Vuçiqit në Tiranë: Dy Trepça kemi ne, Rama e Thaçi shesin tre