Është përmbyllur zyrtarisht vizita e zyrtarëve të lartë të Prokurorisë së Posaçme SPAK në SHBA, ku një sërë takimesh shumë të rëndësishme janë zhvilluar, në kuadër të vijimit të punës së organit të lartë hetimor në Shqipëri, pa u cenuar nga faktori politik.

Sipas një njoftimi nga Ambasada Amerikane në Tiranë, zyrtarët shqiptarë përmbyllën turin e tyre studimor në Washington, ku kanë zhvilluar takime me rëndësi të lartë, me organet kompetente amerikane.

Së pari, përmendet takimi me anëtarët e Zyrës së Ambasadave për Zhvillimin e organeve hetimore jashtë vendit, si edhe trajnimi dhe asistenca që është dhënë nga ekipi i OPDAT – ndër më kryesorët mbështetës të SPAK, që prej krijimit.

Delegacioni u takua gjithashtu me Divizionin e Operacioneve Speciale DEA, të Administratës së Luftës ndaj Drogës.

“Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë (OPDAT), zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale (ICITAP)”.

Kështu shkruhej në një njoftim të Ambasadës së SHBA-ve.

Senior @SPAK_Albania officials concluded their study tour to Washington DC this week along with members of the Embassy’s Office of Overseas Prosecutorial Development, Assistance and Training #OPDAT team. #SPAK Chief Altin Dumani and members of the delegation met with Deputy… pic.twitter.com/NJz1DrPD7I

— USEmbassyTirana (@USEmbassyTirana) November 4, 2023