Një azilkërkues shqiptar, i cili pretendoi se ishte homoseksual, ka humbur çështjen pasi u zbulua se është martuar me një grua

Esmir Demaj kërkoi të drejtën për të qëndruar në Britani me pretendimin se ishte homoseksual, por më vonë rezultoi se kishte “mashtruar qëllimisht” Zyrën e Brendshme (Home Office).

Një gjyqtar i emigracionit pranoi se “seksualiteti është një spektër”, por theksoi se Demaj nuk kishte njoftuar autoritetet për “ndryshimin e rrethanave” të tij.

Kjo erdhi pasi ai informoi një tribunal për “ndryshimin” e orientimit seksual ndërmjet dy përpjekjeve ligjore për të marrë të drejtën e qëndrimit në Mbretërinë e Bashkuar.

Demaj, një person me histori të shmangies së kontrollit të emigracionit, tani ka humbur përpjekjen për t’u rikthyer në Britani.

Fillimisht ai kishte kërkuar azil me arsyetimin se ishte homoseksual, por më pas rezultoi se ndodhej në një “marrëdhënie të përkushtuar heteroseksuale”.

Tribunali i Lartë për Azil dhe Emigracion dëgjoi se në prill 2023 – pasi kërkesa e tij e parë ishte refuzuar – Demaj ishte kthyer në vendlindje. Më pas ai aplikoi për t’u rikthyer në Britani për t’u bashkuar me bashkëshorten e tij, por kërkesa u refuzua nga një zyrtar emigracioni në shtator 2023./dailymail/