I dërguari i posaçëm i Bashkimit Evropian për dialogun Kosovë-Serbi, Miroslav Lajçak, ka njoftuar se takimi i paraparë për të hënën mes kryeministrit të Kosovës, Avdullah Hoti dhe presidentit të Serbisë, Aleksandar Vuçiq është shtyrë.
Këtë e ka bërë të ditur përmes një shkrimi në Twitter.
“Shkaku i kujdesit lidhur me COVID-19, takimi në kuadër të dialogut, i caktuar për të hënën do të shtyhet”, ka shkruar Lajçak.
Koordinator shtetëror i Kosovës për dialogun me Serbinë, në nivel ekspertësh është, Skender Hyseni, derisa pala serbe përfaqësohet nga Marko Gjuriq.
Çështja e Asociacionit të komunave me shumicë serbe është raportuar se mund ta bllokojë dialogun, teksa Serbia po insiston që kjo të diskutohet në Bruksel.
Kryeministri Avdullah Hoti, dje tha se kjo çështje është e mbyllur dhe se nuk do të diskutohet më.
Out of abundance of caution related to COVID19, the Dialogue meeting scheduled for Monday next week will be postponed.
— Miroslav Lajčák (@MiroslavLajcak) September 25, 2020
