Një video shokuese ku shihet një nxënës në një shkollë të Kosovës duke e fyer me fjalë të rënda një arsimtar është publikuar në media.

Në këtë video, siç shihet edhe nga pamjet, mësuesi është me ditar në dorë në klasë derisa një nxënës i bën atij disa pyetje fyese dhe e incizon me telefon.

Nuk dihet se në cilën shkollë të Kosovës është bërë kjo video apo nëse ndaj nxënësit është marrë ndonjë masë disiplinore.

Në sfond shihen shokët e djalit që shan dhe incizon duke qeshur me deklaratat e tij ndaj mësuesit.

Mësimdhënësi ndërkaq tenton ta ndalë djalin që të mos flasë fjalë të tilla.