Banorët e Syriganës së Skenderajt, ankohen se ende pa përfunduar ndërtimi i rrugës, asfalti është prishur.

Ende pa përfunduar asfaltimi në tërësi i rrugës Runik deri te Kisha, kanë filluar telashet për banorët e Syriganës së Skenderajt.

Shtresa e re e asfaltit duket të mos jetë fort e qëndrueshme.

Madje për banorët nuk është e vështirë as ta ilustrojnë një problem të tille.

Sipas Kapllan Sinanit, banor i fshatit Syriganë, projekti i asfaltimit të kësaj rruge është i dështuar.

Ai thotë t’i ketë njoftuar institucionet përkatëse qysh gjatë fazës së punimeve që cilësia nuk është e duhura.

Sipas Sinanit intervenimi veçse e ka vështirësuar situatën.

Njëjtë mendon edhe Lahë Halitaj. Sipas tij punimet janë kryer brenda tri ditëve.

Kryetari i Syriganës, Bahtir Demiri tha se kanë lajmëruar institucionet përkatëse që rruga nuk është r shtruar mirë.

Demiri shpreson që faza e dytë e punimeve do të përmirësojë diçka.

Televizioni T7 ka provuar të marr sqarime nga Komuna e Skenderajt për këto probleme me rrugën në Syriganë. Por, një gjë e tillë ka qenë e pamundur gjatë së shtunës.