Ka dështuar edhe tentativa e 38 për konstituimin e Kuvendit të Kosovës.
Seanca e nisur më vonë se që ishte paralajmëruar, përfundoi shumë shpejt dhe pa rezultat ndryshe nga herët e kaluara.
Në seancë ishin të pranishëm 95 deputet.
53 ku vetëm prej tyre votuan për Komisionin e fshehtë.
Kundër s’kishte dhe abstenim jo.
PDK, LDK dhe AAK takimin e djeshëm e quajtën takimin farsë dhe akuzuan Kurtin për mungesë vullneti për kompromis.
Kurti deklaroi se VV-ja kishte ofruar dy opsione kompromisi: votimin e fshehtë për kryeparlamentarin dhe një marrëveshje në pako për zgjedhjen e kryetarit dhe nënkryetarëve të Kuvendit.
Sipas tij, këto u refuzuan nga opozita, të cilën e akuzoi për keqinterpretim të aktgjykimit të Kushtetueses.
Gjykata Kushtetuese ka përcaktuar që Kuvendi duhet të konstituohet brenda 30 ditësh nga seanca e parë.
/Reporteri.net/
Deputetja e Lëvizjes Vetëvendosje, Saranda Bogujevci, pas dështimit të seancës akuzoi partitë e tjera duke thënë se janë të vetmit që po shkelin Kushtetutën duke mos votuar për komisionin për votim të fshehtë.
Bogujevci, theksoi se është edhe mosrespektim dhe shkelje e rregullores së Kuvendit të Republikës së Kosovës edhe deklarimi përveç propozimit të emrit të krye kuvendares.
“Të vetmit që janë duke shkelur kushtetutën për momentin janë pjesa e opozitës, për shkak që është tepër e çartë, aktvendimi i gjykatës kushtetuese e dëshmon të njëjtën, ku si deputet je i obliguar të votosh… Përveç asaj është mosrespektim dhe shkelje e rregullores së Kuvendit të Republikës së Kosovës edhe deklarimi përveç propozimit të emrit”, tha Bogujevci.
Ajo tha se edhe po të propozohej nga LVV-ja si kryetare e Kuvendit, prapë partitë e tjera nuk do ta votonin edhe pse e kanë propozuar si emër, pasi që ka pasur komente negative për të sa ka qenë nënkryetare e legjislaturës së tetë.
Kuvendi i Republikës së Kosovës ka dalë me raport për seancën e sotme, ku edhe në tentativën e 38 dështoi konstituimi i tij, shkruan Reporteri.net.
Në seancën ku iu ndalë fjala tri deputeteve, Vlora Çitaku, Hykmete Bajramit dhe Time Kadrijajt, Kuvendi thotë se “Kryesuesi Dehari rikujtoi se në seancën konstituive nuk lejohet debati”.
E plotë:
Nën drejtimin e kryesuesit Avni Dehari ka vijuar sot punimet seanca konstituive e Kuvendit.
Kryesuesi Dehari kërkoi nga subjektet politike që nuk i kanë propozuar emrat për anëtarë të komisionit zgjedhor për zgjedhjen e kryetarit të Kuvendit, me votim të fshehtë (PDK, LDK, Lista serbe dhe AAK-Nisma), që ta bëjnë këtë. Lidhur me këtë pati mospajtime nga deputetët e PDK-së, LDK-së dhe AAK-së, përkatësisht Vlora Çitaku, Hykmete Bajrami dhe Time Kadriaj.
Kryesuesi Dehari rikujtoi se në seancën konstituive nuk lejohet debati.
Më pas përbërja e komisionit, me anëtarët e propozuar në vazhdimet e kaluara të seancës, u hodh në votim.
Me 53 vota për, asnjë kundër dhe asnjë abstenim, Kuvendi nuk pati kuorum për vendimmarrje. Kryesuesi i seancës paralajmëroi vazhdimin e saj të martën, më 1 korrik, në orën 11:00.
Deputeti i Lëvizjes Vetëvendosje, Arben Gashi, ka theksuar se zgjedhja e Kryeparlamentarit duhet të bëhet me votim të hapur, siç e ka konfirmuar edhe Gjykata Kushtetuese.
Ai ka sqaruar se kjo procedurë është në përputhje me rregulloren dhe praktikën e deritanishme parlamentare.
Gashi tha se çdo ndryshim në mënyrën e votimit mund të ndodhë vetëm përmes një mocioni të posaçëm, të miratuar nga dy të tretat e deputetëve të pranishëm që marrin pjesë në votim.
/Reporteri.net/
Gjatë seancës së sotme konstituive, deputeteve Vlora Çitakut, Hykmete Bajramit dhe Time Kadrijaj iu ndërpre fjala në foltoren e Kuvendit, nga kryesuesi Avni Dehari.
Lidhur me këtë zhvillim, ka reaguar deputetja e PDK-së, Blera Deliu-Kodra.
Ajo thotë se në vend të fjalëve, u dëgjuan urdhra.
“Vlora Çitakut, Hikmete Bajramit dhe Time Kadrijajt, ju mohua e drejta të flasin në foltoren e Kuvendit. Në vend të fjalës, dëgjuam urdhra: “Vetëm propozim! Për debat nuk ka. Përndryshe… sigurimi.””, thuhet në postimin e Deliut.
Deputetja shtoi se një gjë e tillë nuk është demokraci, e as frymë e Kushtetutës, duke shtuar se në vend të bashkëpunimit po shihet bllokim, arrogancë dhe përpjekje për ta kthyer votën ne farsë.
“Kjo nuk është demokraci. Kjo nuk është as fryma e Kushtetutës, as respekt ndaj qytetarëve që kanë votuar për përfaqësim të barabartë. Gjykata Kushtetuese ka folur qartë: Kuvendi duhet të konstituohet brenda 30 ditëve. Por në vend të bashkëpunimit, po shohim bllokim, arrogancë dhe përpjekje për ta kthyer votën ne farsë”, ka shkruar ajo.
Deputeti i Lëvizjes Vetëvendosje, Hekuran Murati, ka kritikuar partitë tjera politike për siç tha ai bojkotin e vazhdueshëm të votimit në Kuvend, duke i akuzuar për shkelje të Kushtetutës.
Ai tha se mbi 30 herë opozita ka refuzuar të përmbushë detyrimin kushtetues për të marrë pjesë në votimin e fshehtë.
Deputeti i VV-së shtoi se mungesa e pjesëmarrjes në votim është ajo që përbën shkelje kushtetuese.
“Kemi parë mbi 30 herë partitë opozitare teksa refuzojnë të kryejnë detyrimin e tyre kushtetues për votimin e fshehtë, dhe e kanë dërguar në Gjykatën Kushtetuese, deri tani ndoshta mund të kenë pasur arsye. Tashmë ne e kemi lexuar aktgjykimin i cili në asnjë pikë të vetme nuk e thotë një gjë të tillë”.
“Votimi i fshehtë e thekson se deputetët mund të votojnë në votë të fshehtë dhe që është detyrim i secilit deputet prezent të marrë pjesë në votim. Ata që shkelën vetë Kushtetutën ishin deputetët e opozitës duke mos marrë pjesë në votim, shkelësit e Kushtetutës edhe në këtë seancë, tanimë të konfirmuar nga aktgjykimi. Kemi dëgjuar pretendojnë që përmes juristëve të japin interpretime mbi aktgjykimin e Gjykatës Kushtetuese”, deklaroi Murati para gazetarëve.
/Reporteri.net/
Deputetja e Lidhjes Demokratike të Kosovës, Jehona Lushaku Sadriu tha se sot “u cenua rendi kushtetues i Kosovës, nga partia më e madhe, me instruksione nga deuteti Albin Kurti dhe me udhëheqje nga Dehari”.
Ajo tha se pavarësisht se në vendimin e Gjykatës Kushtetuese “u sqarua aspekti juridik i funksionimit të Kuvendit”, deputetët e LVV-së nuk po e respektojnë atë.
Lushaku Sadriu kërkoi reflektim nga LVV-ja që “të procedojë me rendin e konstitiimit të Kuvendit, të aprovuar në Kryesinë e Kuvendit”.
“Janë duke treguar që mënyrën e funksionimit e kanë të një analfabetizmi politik. Nuk i dinë parimet bazike të demokracisë”, tha ajo.
“Regjia ju lutem ta ndërpres fjalën”, Avni Dehari kërkon t’i ndalet mikrofoni Çitakut dhe Bajramit
Ehat Miftaraj nga Instituti i Kosovës për Drejtësi ka reaguar ashpër ndaj veprimeve të Lëvizjes Vetëvendosje dhe kryeministrit në detyrë Albin Kurti, duke i cilësuar ato si shkelje të hapura të rendit kushtetues dhe parimeve demokratike.
Sipas Miftarajt, Lëvizja Vetëvendosje, përmes veprimeve të fundit në Kuvend, konkretisht përmes Avni Deharit – ka anashkaluar një aktgjykim të Gjykatës Kushtetuese, duke minuar funksionimin kushtetues të institucioneve.
”Lëvizja Vetëvendosje është e specializuar në anarki.
Albin Kurti dhe LVV nuk munden dhe nuk kuptojnë të funksionojnë në bazë të rregullave demokratike.
Sot LVV, përmes Avni Deharit, shkeli aktgjykimin e Gjykatës Kushtetuese, rendin kushtetues dhe demokracinë në Kosovë.
LVV dhe Albin Kurti haptazi kanë kapur Kuvendin e Kosovës. Kosova – shtet i kapur nga egoja e sëmurë dhe interesat e Albin Kurtit dhe klientelës së tij.
39 dështime të Albulena Haxhiut dhe LVV-së janë vetëm numra për të mbrojtur interesat personale dhe partiake”.
Kryetari i Partisë Demokratike të Kosovës, Memli Krasniqi, ka akuzuar kryeministrin Albin Kurti dhe deputetët e Lëvizjes Vetëvendosje për shkelje të qëllimshme dhe të vetëdijshme të Kushtetutës.
Sipas tij, qytetarët dhe gazetarët janë dëshmitarë të këtij abuzimi institucional.
Ai tha se Kurti me veprimet e tij po injoron vendimet e Gjykatës dhe se për të dhe Vetëvendosjen, “as Gjykata Kushtetuese, e as aktgjykimet e saj nuk kanë kurrfarë vlere.”
“Gazetarë, ju, dhe qytetarët që na kanë përcjellur janë bërë dëshmitarë të abuzimit dhe shkeljes kushtetuese me qëllim dhe vetëdije nga ana e Albin Kurtit dhe deputetëve të Lëvizjes Vetëvendosje dhe koalicionet që i udhëheq ai. Nuk është situata e njëjtë si para aktgjykimit të Gjykatës Kushtetuese. Ai aktgjykim e ka bërë të qartë që nuk mund të ndryshohet rendi i ditës, aq më pak në mënyrë arbitrare, dhe insistimi i njëjtë sot, sikurse në seancat e kaluar,a i bie që për Albin Kurtin dhe VV-në, as Gjykata Kushtetuese, e as aktgjykimet e saj nuk kanë kurrfarë vlere”, tha Krasniqi para gazetarëve.
/Reporteri.net/
Kryetari i Aleancës për Ardhmërinë e Kosovës, Ramush Haradinaj, ka reaguar pas përpjekjeve për zhbllokimin e procesit për konstituimin e Kuvendit.
Ai tha se sot është tentuar që të reflektohet mbi kthimin e procesit të votimit në mënyrë të hapur, por akuzoi kryeministrin në detyrë, Albin Kurti dhe bashkëpunëtorët e tij se po e vështirësojnë situatën në vend.
Ai theksoi se ndonëse po ftohen në takime, procesi po mbahet i bllokuar nga qeveria.
“Me u angazhu me u kthy procesi i votimit i hapur, sot provuam me reflektu këtë. Vërtetë është situatë e vështirë, shihet se Kurti dhe kolegët e tij e kanë nda menen me vështirësu jetën e Kosovës. Pra ua ka dhënë mundësinë Gjykata me u kthy në votim të hapur, ata nuk e respektojnë këtë. Është një situatë e rëndë. Po na ftojnë por po e mbajnë të bllokuar procesin, ne propozuam që të kthehemi në kushtetutshmëri. Duhet me pa në të ardhmen si me vepru”, tha Haradinaj.
/Reporteri.net/
Ka nisur me vonesë seanca konstituive në Kuvendin e Kosovës.
Kur kryesuesi Avni Dehari kërkoi nga PDK një emër për anëtarë të Komisionit të Votimit të Fshehtë, me të dalë Vlora Çitaku, nuk zgjati shumë dhe ia ndali fjalën.
Derisa deputetja e PDK-së në foltoren e Kuvendit p othoshte se Kryesuesi po abuzon me pozitën e tij, Dehari kërkoi nga regjia që asaj t’i ndalej fjala.
Njëjtë ndodhi edhe me LDK-në.
“Kthehu në rendin e ditës….”, ishin fjalët e Bajramit.
Deputetes Hykmete Bajrami, me urdhër të Avni Deharit, iu ndal fjala nga regjia.
/Reporteri.net/
Ndonëse ishte parlajmëruar në ora 11:00, seanca konstituive ende s’ka nisur, shkruan Reporteri.net.
Asnjë nga deputetët e koalicionit Lëvizja Vetëvendosje – Guxo dhe Alternativa s’anë të pranishëm në sallën e Kuvendit.
Krahas tyre, mungesa duken edhe nga partitë e tjera.
/Reporteri.net/
Deputetja e Partisë Demokratike të Kosovës, Vlora Çitaku, ka reaguar pas takimit të thirrur nga kryeministri Albin Kurti me liderët politikë, duke e cilësuar atë si një përpjekje për të imponuar vullnetin e tij pa debat dhe pa kushte.
Çitaku tha se Kurti nuk ofroi as marrëveshje, as kompromis, dhe asnjë reflektim apo zgjidhje për situatën aktuale politike.
Sipas saj, i vetmi mesazh i kryeministrit ishte kërkesa që të tjerët t’i nënshtrohen vullnetit të tij, gjë që ajo e cilësoi si mungesë të demokracisë.
/Reporteri.net/
Deputetja e Nismës, Xhevahire Izmaku ka thënë se “takimi i djeshëm e ka shpërfaqur edhe një herë nevojën për komunikim më të zgjedhur politik, poashtu e ka shfaqur edhe një hipokrizi”, shkruan Reporteri.net.
“Të besojmë se ka me prodhu diçka tjetër, se ka qenë veç takimi i parë”, tha ajo.
Sipas saj përgjegjësia është në dorën e VV-së, dhe duhet ulur dhe të bisedohet me partitë tjera politike.
“Edhe një herë shfaqet nevoja për marrëveshje politike.Mendoj që ndoshta në një moment me u shpërfaq që Presidentja me vepru, por mendoj që është në dorën e subjekteve të mëdha politike”.
“Kur s’ki numra duhet m’u ulë me bisedu me subjektetet politike”, tha ajo.
/Reporteri.net/
Deputeti i AAK-së, Bekë Berisha ka thënë se po duket që edhe sot deputetët do të vazhdojnë po njësoj si radhët e kaluara, shkruan Reporteri.net.
Para seancës konstituive, Berisha tha se
“Se ka njetin e mirë kërkush këtu. Hala qet kushte e kallëzon kryeneçësi Albin Kurti. AAK-ja ka dhënë të gjitha format si me dalë nga kjo bllokadë”, tha Berisha.
/Reporteri.net/
Në Kuvendin e Kosovës ka arritur edhe kandidatja e VV-së për Kryeparlamentare, Albulena Haxhiu, emri i së cilës nuk është votuar nga partitë e tjera të cilat vazhdimisht kanë kërkuar që të ndryshohet, shkruan Reporteri.net.
Para fillimit të seancës konstituive, Haxhiu nuk është përgjigjur në pyetjet e gazetarëve nëse do të jetë kjo tentativa e saj e fundit për Kryeparlamentare.
Edhe në takimin e djeshëm të Kurtit me partitë e tjera, nuk u prodhua asnjë rezultat.
/Reporteri.net/
Deputetët do të mblidhen të dielën në përpjekjen e 38 për konstituimin e Kuvendit.
Ani pse seanca e së premtes ishte ndërprerë pas një konsulte që patën lidhur me aktgjykimin e Kushtetueses, që e njëjta të mbahet sot pas takimit të së shtunës të Kurtit me liderët e partive tjera politike.
Edhe ky takim përfundoi pa rezultat.
PDK, LDK dhe AAK e quajtën takimin farsë dhe akuzuan Kurtin për mungesë vullneti për kompromis.
Kurti deklaroi se VV-ja kishte ofruar dy opsione kompromisi: votimin e fshehtë për kryeparlamentarin dhe një marrëveshje në pako për zgjedhjen e kryetarit dhe nënkryetarëve të Kuvendit.
Sipas tij, këto u refuzuan nga opozita, të cilën e akuzoi për keqinterpretim të aktgjykimit të Kushtetueses.
Gjykata Kushtetuese ka përcaktuar që Kuvendi duhet të konstituohet brenda 30 ditësh nga seanca e parë.
/Reporteri.net/
Deputetët do të mblidhen nesër në një përpjekje të re, të 38-ën me radhë për ta konstituuar Kuvendin.
Në seancën e së premtes, partitë politike janë pajtuar që ta ndërprejnë seancën pas një konsulte që mbajtën lidhur me aktgjykimin e Kushtetueses, shkruan Reporteri.net.
Palët u pajtuan që seanca e paraparë për të premten të mbahet pas takimit të Kurtit me krerët e partive politike, takim ky që u mbajt sot e që nuk prodhoi ndonjë rezultat.
Pas më shumë se dy orësh diskutimesh, takimi i thirrur nga kreu i Lëvizjes Vetëvendosje, Albin Kurti, me liderët e partive parlamentare për të dalë nga ngërçi institucional, përfundoi pa ndonjë marrëveshje konkrete. Përfaqësuesit e PDK-së, LDK-së dhe AAK-së, dolën nga takimi me kritika ndaj Kurtit dhe Vetëvendosjes, duke e quajtur këtë takim një farsë dhe pa asnjë vullnet real për kompromis, shkruan gazeta online Reporteri.net.
Në anën tjetër Kurti deklaroi se VV-ja si fituese e zgjedhjeve të 9 shkurtit kishte ofruar dy opsione kompromisi, por ato ishin refuzuar nga ish-opozita. Ai theksoi se partia e tij ka përgjegjësi për formimin e qeverisë, por formimi i Kuvendit është përgjegjësi e përbashkët, sipas aktgjykimit të Gjykatës Kushtetuese.
“Propozimet e kompromisit”, siç i ka quajtur Kurti, kanë të bëjnë me votimin e fshehtë dhe votimin në pako të kryeparlamentarit dhe nënkryetarëve.
Kurti akuzoi PDK-në dhe LDK-në për keqlexim të aktgjykimit të Kushtetueses.
“Kompromisi i parë ishte që në rast të votimit të fshehtë nëse Haxhiu nuk i merr 61 vota, siç tha edhe vetë Haxhiu dje, tërhiqet nga kandidatura. Këtë e ka bërë njëanshëm, por unë e respektoj si qëndrim i saj personal. Me votim të fshehtë për Haxhiun do të votohet pra vetëm një herë. Ne kemi lëvizur në situatën para së enjtes, por kjo nuk duhet se u kishte bërë përshtypje partive opozitare. Kompromisi i dytë që ua shpreha ishte që le ta bëjmë një marrëveshje politike e që është marrëveshje në paketë për kryetarin dhe nënkryetarët dhe pastaj nëse kurrqysh nuk e duan votimin e fshehtë le ti delegojnë përfaqësuesit e tyre në këtë komision dhe ta rrëzojnë me votë këtë komision. Ne e dimë që partitë opozitare kanë treguar preferenca për emrat për kryeparlamentar, por kjo nuk është mënyra si ndërtohen shëndetshëm institucionet. Ne i bëmë këto dy kompromise që u refuzuan, por megjithatë takimi ia ka vlejtur sepse u sqaruan shumë gjëra, e një nga to që është e çuditshme dhe brengosëse, është që për bindjen time të fuqishme partitë opozitare, PDK dhe LDK e kanë keqlexuar aktgjykimin e Gjykatës Kushtetuese dhe po e keqinterpretojnë atë publikisht”, tha Kurti.
Gjykata Kushtetuese ka konstatuar të enjten që seanca konstituive e legjislaturës së nëntë të Kuvendit të Kosovës duhet të përfundojë më së voni për 30 ditë.
Partitë politike kanë dalë me interpretime të ndryshme rreth këtij vendimi./Reporteri.net/
Deputetja e Lidhjes Demokratike të Kosovës (LDK), Hykmete Bajrami, ka reaguar pas takimit të liderëve parlamentarë me kryetarin e VV-së, Albin Kurti, duke e quajtur “kompromisin” e ofruar nga Kurti si shkelje të rendit kushtetues dhe pazare politike jashtë kornizës së demokracisë.
Në një postim, Bajrami ka thënë se pas tri orë diskutimesh, Kurti kishte ofruar vetëm dy opsione, të cilat sipas saj nuk përfaqësojnë kompromis, por përpjekje për të anashkaluar rregullat dhe vendimin e Gjykatës Kushtetuese.
“Kompromisi” i vetëm, sipas Kurtit, ishte:
Që partitë opozitare të propozojnë anëtarët në Komisionin për votim të fshehtë, për ta rrëzuar më pas me votë.
Të kalohet në votim të hapur për kryetaren e Kuvendit, por vetëm nëse opozita e mbështet kandidaturën e Albulena Haxhiut.
Bajrami theksoi se një qasje e tillë nuk është kompromis, por një tentim për të shtrembëruar rendin kushtetues dhe për të bërë pazare politike që minojnë funksionimin demokratik të institucioneve.
Ajo kujtoi se Gjykata Kushtetuese ka qenë e qartë se rendi i ditës i seancës konstituive duhet të respektohet në mënyrë të rreptë dhe se nuk ka paraparë komision për votim të fshehtë në atë seancë, siç po pretendon Vetëvendosje.
“Demokracia nuk funksionon me pazare të fshehta, por me respekt të plotë të Kushtetutës. Kuvendi konstituohet me marrëveshje politike ose përmes një figure konsensuale – që do të duhej të ishte kompromisi i Lëvizjes Vetëvendosje, jo imponimi i kandidaturave pa shumicë,” shkroi Bajrami.
Pas më shumë se dy orësh diskutime, takimi i thirrur nga kreu i Lëvizjes Vetëvendosje, Albin Kurti, me liderët e partive parlamentare për të dalë nga ngërçi institucional, përfundoi pa ndonjë marrëveshje konkrete. Përfaqësuesit e PDK-së, LDK-së dhe AAK-së, dolën nga takimi me kritika ndaj Kurtit dhe Vetëvendosjes, duke e quajtur këtë takim një farsë dhe pa asnjë vullnet real për kompromis, shkruan gazeta online Reporteri.net.
Albin Kurti, pas takimit, deklaroi se VV-ja si fituese e zgjedhjeve të 9 shkurtit kishte ofruar dy opsione kompromisi, por ato ishin refuzuar nga opozita. Ai theksoi se partia e tij ka përgjegjësi për formimin e qeverisë, por formimi i Kuvendit është përgjegjësi e përbashkët, sipas aktgjykimit të Gjykatës Kushtetuese.
“Propozimet e kompromisit”, siç i ka quajtur Kurti, kanë të bëjnë me votimin e fshehtë dhe votimin në pako të kryeparlamentarit dhe nënkryetarëve.
“Kompromisi i parë ishte që në rast të votimit të fshehtë nëse Haxhiu nuk i merr 61 vota, siç tha edhe vetë Haxhiu dje, tërhiqet nga kandidatura. Këtë e ka bërë njëanshëm, por unë e respektoj si qëndrim i saj personal. Me votim të fshehtë për Haxhiun do të votohet pra vetëm një herë. Ne kemi lëvizur në situatën para së enjtes, por kjo nuk duhet se u kishte bërë përshtypje partive opozitare. Kompromisi i dytë që ua shpreha ishte që le ta bëjmë një marrëveshje politike e që është marrëveshje në paketë për kryetarin dhe nënkryetarët dhe pastaj nëse kurrqysh nuk e duan votimin e fshehtë le ti delegojnë përfaqësuesit e tyre në këtë komision dhe ta rrëzojnë me votë këtë komision. Ne e dimë që partitë opozitare kanë treguar preferenca për emrat për kryeparlamentar, por kjo nuk është mënyra si ndërtohen shëndetshëm institucionet. Ne i bëmë këto dy kompromise që u refuzuan, por megjithatë takimi ia ka vlejtur sepse u sqaruan shumë gjëra, e një nga to që është e çuditshme dhe brengosëse, është që për bindjen time të fuqishme partitë opozitare, PDK dhe LDK e kanë keqlexuar aktgjykimin e Gjykatës Kushtetuese dhe po e keqinterpretojnë atë publikisht”, tha Kurti.
Kreu i PDK-së, Memli Krasniqi, e cilësoi interpretimin e Kurtit si “të çuditshëm” dhe theksoi se VV po e përdor një procedurë të diskutueshme përmes komisionit për votim të fshehtë. Ai tha se takimi konfirmoi se Kurti nuk ka shumicë dhe se bllokada është pasojë e qasjes së tij.
“Unë sot nuk do të bëjë interpretime të aktgjykimit të Kushtetueses. Ishte shqetësuese që zoti Kurti kishte një interpretim të çuditshëm të aktgjykimit, sipas tij nuk kishte asnjë problem, as me propozimin arbitrar për komisionin për votimin e fshehtë, as me mënyrën si është mbajtë seanca. Duket se vazhdojnë me jetu në imagjinatën e tyre. E vërteta është se kaq shumë muaj pas mbajtjes së zgjedhjeve jemi në bllokadë politike të imponuar nga Kurti dhe partia e tij. Ne i kërkuam që nesër të mos vazhdojnë me votimin e fshehtë, por kjo duket se nuk do të ndodhë”, tha Krasniqi para mediave.
Edhe kreu i LDK-së, Lumir Abdixhiku, u shpreh i zhgënjyer, duke e cilësuar takimin si farsë. Ai tha se qëndrimet e Kurtit nuk kishin ndryshuar, pavarësisht aktgjykimit të Kushtetueses, dhe se kërkesat e VV-së mbetën të njëjtat: votim i fshehtë ose rrëzim i komisionit që e mbikëqyr këtë proces, gjë që LDK e refuzon.
“Morëm pjesë me vullnetin më të mirë për zgjidhje. Fatkeqësisht droja jonë u vërtetua. Qëndrimet e Kurtit ishin pak a shumë të njëjta siç kanë qenë deri më tani dhe nuk e respektonin as interpretonin njejtë vendimin e Kushtetueses. Për LDK-në është evidente që përgjegjësia për krijimin e shumicës i takon Kurtit. Ai pranoi që s’ka shumicë, por kërkoi kushtëzime në pozicionet paraprake që i ka pasur deri më tani. Ato kushtëzime janë që të votohet fshehtë, ose të rrëzohet votimi i fshetë duke u votuar zonja Haxhiu sërish”, tha Abdixhiku.
Deputetja e AAK-së, Time Kadrijaj, tha se partia e saj kishte marrë pjesë me shpresë për një zgjidhje, por VV nuk pranoi asnjë propozim për konsensus. Sipas saj, procedura aktuale është e paligjshme dhe bie ndesh me praktikat e mëparshme parlamentare. Ajo bëri thirrje që votimi të jetë i hapur dhe që të mos përzihet zgjedhja e kryetarit të Kuvendit me atë të nënkryetarëve në një proces të vetëm.
E kreu i Nismës, Fatmir Limaj u shpreh se as ndryshimi i mënyrës së votimit nuk e zgjidh krizën politike, sepse partia e parë nuk i ka numrat, shkruan gazeta online Reporteri.net.
“Sot ky takim më tepër ka shkruar rreth qasjeve dhe këndvështrimeve se si e shohin aktgjykimin, dhe më pak është folur për krizën politike. Ata që kanë pritur se akt do të zgjidhë krizën politike, nuk e njohin mirë sistemin kushtetues. Takimi për mendimin tim, është gjë e mirë që ka ndodhur. Presim të ndodhin edhe takime tjera. I pari është gjithmonë më i vështirë. Edhe me ndryshu mënyra e votimit, nuk e zgjidh krizën politike sepse partia e parë nuk e ka shumicën parlamentar”, tha Limaj./Reporteri.net/
Kryetari i LVV-së, Albin Kurti, ka thënë se nuk e di nëse Albulena Haxhiu i ka 61 vota, por sipas tij, kundërshtimi i partive opozitare për një votim të tillë e bën të besojë që Haxhiu i ka votat për t’u zgjedhur kryetare e Kuvendit.
Kurti tha se nëse Haxhiu nuk i merr 61 vota në votim të fshehtë, menjëherë në seancën e parë pasuese sjellin emrin e ri, shkruan gazeta online Reporteri.net.
“Unë nuk e di nëse Albulena Haxhiu i ka 61 vota me votim të fshehtë. Por ky kundërshtimi i partive opozitare po më bën me besu që i ka 61 vota”, ka thënë Kurti.
“Në seancën e parë menjëherë e sjellim propozimin tjetër, por jo pa u provu Albulena Haxhiu”, tha Kurti.
Kurti tha se Haxhiu njëanshëm ka shprehur vullneti për t’u tërhequr nga kandidatura në rast se nuk i merr 61 vota, por tha se e respekton. /Reporteri.net/
Kreu i VV-së, Albin Kurti pas takimit me krerët e partive të tjera parlamentare, ka thënë se si parti e parë e dalë nga zgjedhjet e 9 shkurtit, në takim bënë kompromise që u refuzuan nga partitë që në legjislaturën e kaluar ishin në opozitë.
Kurti tha se PDK dhe LDK e kanë keqlexuar aktgjykimin e Kushtetueses dhe po e keqinterpretojnë atë publikisht, shkruan gazeta online Reporteri.net.
“Pavarësisht afrimit tonë, nuk ka afrim nga ana e tyre”, tha Kurti ndër të tjera.
“19 prilli për këtë legjislaturë të nëntë ishte dita më e mirë, sepse ishte dita kur e bëmë hapin…të gjithë votuan dhe në këtë mënyrë arritëm ti verifikojmë mandatet, duke e bërë edhe betimin. Këta deputetë kanë nevojë për shtëpinë e tyre, e shtëpia e deputetëve është Kuvendi si institucion, jo vetëm si ndërtesë. Për t’u bërë kjo duhet zgjedhur kryetarja dhe pesë nënkryetarët dhe zgjedhja e kryetarit dhe nënkryetarëve është bashkë. Është e vërtetë që ne si VV, si shumicë parlamentare e kemi përgjegjësinë kryesore për formimin e Qeverisë, por për formimin e Kuvendit, e ka thënë edhe Kushtetuesja që kemi përgjegjësi të gjithë.
Kushtetuesja në aktgjykimin e saj ka theksuar që Gjykata nuk zgjidh mosmarrëveshje politike, pikërisht për këtë ne u mblodhëm dhe tjetra, kam përmend tre togfjalësha interesant, bashkëpunim në mirëbesim, konsultim konstruktim dhe konsensus. Me fjalë të tjerë provojeni një herë konsensusin dhe nëse ka konsensus bëjeni kompromisin. Ne e bëmë edhe konsultimin konstruktiv, edhe bashkëpunimin në mirëbesim, por u pa që konsensus nuk ka, ndërkaq sa i përket kompromisit ne kemi lëvizur. Unë si kryetar i VV-së, kam ofruar dy opsione kompromisi. Kompromisi i parë ishte që në rast të votimit të fshehtë nëse Haxhiu nuk i merr 61 vota, siç tha edhe vetë Haxhiu dje, tërhiqet nga kandidatura. Këtë e ka bërë njëanshëm, por unë e respektoj si qëndrim i saj personal. Me votim të fshehtë për Haxhiun do të votohet pra vetëm një herë. Ne kemi lëvizur në situatën para së enjtes, por kjo nuk duhet se u kishte bërë përshtypje partive opozitare. Kompromisi i dytë që ua shpreha ishte që le ta bëjmë një marrëveshje politike e që është marrëveshje në paketë për kryetarin dhe nënkryetarët dhe pastaj nëse kurrqysh nuk e duan votimin e fshehtë le ti delegojnë përfaqësuesit e tyre në këtë komision dhe ta rrëzojnë me votë këtë komision. Ne e dimë që partitë opozitare kanë treguar preferenca për emrat për kryeparlamentar, por kjo nuk është mënyra si ndërtohen shëndetshëm institucionet. Ne i bëmë këto dy kompromise që u refuzuan, por megjithatë takimi ia ka vlejtur sepse u sqaruan shumë gjëra, e një nga to që është e çuditshme dhe brengosëse, është që për bindjen time të fuqishme partitë opozitare, PDK dhe LDK e kanë keqlexuar aktgjykimin e Gjykatës Kushtetuese dhe po e keqinterpretojnë atë publikisht”, tha Kurti.
Kurti tha se opozita po kërkon që VV-ja të ndryshojë, por rezultati i zgjedhjeve të 9 shkurtit e tregoi të kundërtën.
“Opozita po thotë që Lëvizja Vetëvendosje duhet të ndryshojë. Ne i mbajtëm zgjedhjet me 9 shkurt, populli tha le të ndryshojë opozita. VV-ja është fituese e qartë. Unë, si bartës i listës së VV-së kam numrin më të madh rekord të parlamentarizmit në Kosovë. VV-ja është më e madhe se PDK dhe LDK bashkë. Rezultati i zgjedhjeve të 9 shkurtit tregon pakënaqësi popullore me opozitën, jo me VV-në.
Populli e ka ndëshku opozitën. Katër vite kanë qenë në opozitë dhe i la me 24 dhe 20. Tani po thonë ndrysho ti. Kjo nuk është në rregull”, tha Kurti. /Reporteri.net/
Deputetja e AAK-së, Time Kadrijaj, në deklaratën e saj para mediave tha se shkuan me shpresë në takimin e kryetarit të VV-së, Albin Kurti, por sipas saj, nuk pati konsensus.
Ajo tha se ndonëse AAK-ja ka kërkuar konsensus, partia në pushtet nuk ka pranuar asnjë ofertë.
“Në interpretimin e Gjykatës Kushtetuese janë munduar të shtrembërojnë plot pika dhe të mos pranojnë asgjë. Kemi kërkuar që nesër të mos vazhdojmë me procedura të njëjta, prej nesër do të vazhdohet me praktika të njëjta ata po e shkelin Kushtetutën qëllimshëm. Kemi kërkuar që të mos vazhdohet me votimin e komisionit ”, tha deputetja.
Tutje, Kadrijaj shpreson se Kurti do të reflektojë dhe pret që forma e votimit në mënyrë të fshehtë, të kthehet në atë ta hapur.
“Të kthehet çështja e votimit në votim të hapur. Është e drejta e VV-së të kandidojë secilin që do, por obligimi i tyre është me i siguru 61 vota që me e kalu kryetarin e Kuvendit. Forma dhe mënyra e përzier që me u votu kryetari i kuvendit bashkë me nënkryetarët e kuvendit, nuk ka sens, praktika që nuk janë praktikuar më herët. Po insistojnë në këtë praktikë që është antiligjore, dhe në formën e prerë Kushtetuesja ka thënë që të votohet ashtu siç kanë qenë praktikat e mëhershme, këta po e përziejnë që nuk refuzohet votimi i fshehtë”.
“Shpresoj që Kurti do të reflektojë, nuk do të kërkojë në formimin e komisionit”, shtoi Kadrijaj.
Kreu i Nismës, Fatmir Limaj pas takimit të krerëve partiakë për çështjen e ngërçit parlamentar tha se takimi i sotëm ishte më tepër për të diskutuar rreth qasjeve dhe këndvështrimeve të palëve për aktgjykimin e Kushtetueses.
Limaj tha se më pak është folur për krizën politike.
Ai u shpreh se as ndryshimi i mënyrë së votimit nuk e zgjidh krizën politike, sepse partia e parë nuk i ka numrat, shkruan gazeta online Reporteri.net.
“Sot ky takim më tepër ka shkruar rreth qasjeve dhe këndvështrimeve se si e shohin aktgjykimin, dhe më pak është folur për krizën politike. Ata që kanë pritur se akt do të zgjidhë krizën politike, nuk e njohin mirë sistemin kushtetues. Takimi për mendimin tim, është gjë e mirë që ka ndodhur. Presim të ndodhin edhe takime tjera. I pari është gjithmonë më i vështirë. Edhe me ndryshu mënyra e votimit, nuk e zgjidh krizën politike sepse partia e parë nuk e ka shumicën parlamentar”, tha Limaj.
Kreu i PDK-së, Memli Krasniqi ka thënë se në takimin me liderët politikë, Kurti kishte një interpretim të çuditshëm të aktgjykimit të Kushtetueses.
Krasniqi tha se kërkuan që të mos vazhdohet me votimin e fshehtë në seancën e nesërme, por tha se nuk ka shpresë që kjo do të ndodhë, shkruan gazeta online Reporteri.net.
“Unë sot nuk do të bëjë interpretime të aktgjykimit të Kushtetueses. Ishte shqetësuese që zoti Kurti kishte një interpretim të çuditshëm të aktgjykimit, sipas tij nuk kishte asnjë problem, as me propozimin arbitrar për komisionin për votimin e fshehtë, as me mënyrën si është mbajtë seanca. Duket se vazhdojnë me jetu në imagjinatën e tyre. E vërteta është se kaq shumë muaj pas mbajtjes së zgjedhjeve jemi në bllokadë politike të imponuar nga Kurti dhe partia e tij. Ne i kërkuam që nesër të mos vazhdojnë me votimin e fshehtë, por kjo duket se nuk do të ndodhë”, tha Krasniqi para mediave.
Pas mbi dy orësh diskutime, ka përfunduar takimi i kreut të VV-së, Albin Kurti me liderët partiakë për dalje nga ngërçi politik.
Kreu i LDK-së, Lumir Abdixhiku tha se takimi ishte një farsë. Në takim Abdixhiku thotë se qëndrimet e Kurtit nuk kishin ndryshuar edhe pas vendimit të Kushtetueses, shkruan gazeta online Rpeorteri.net.
“Morëm pjesë me vullnetin më të mirë për zgjidhje. Fatkeqësisht droja jonë u vërtetua. Qëndrimet e Kurtit ishin pak a shumë të njëjta siç kanë qenë deri më tani dhe nuk e respektonin as interpretonin njëjtë vendimin e Kushtetueses. Për LDK-në është evidente që përgjegjësia për krijimin e shumicës i takon Kurtit. Ai pranoi që s’ka shumicë, por kërkoi kushtëzime në pozicionet paraprake që i ka pasur deri më tani. Ato kushtëzime janë që të votohet fshehtë, ose të rrëzohet votimi i fshehtë duke u votuar zonja Haxhiu sërish”, tha Abdixhiku.
Jnaë bërë mbi dy orë që kur ka nisur takimi i kreut të VV-së, Albin Kurti me krerët e partive të tjera politike në lidhje me ngërçin parlamentar, shkruan gazeta online Reporteri.net.
Në takim janë përfaqësues të të gjitha partive parlamentare shqiptare.
Takimi është thirrur pasi Gjykata Kushtetuese ka konstatuar të enjten që seanca konstituive e legjislaturës së nëntë të Kuvendit të Kosovës duhet të përfundojë më së voni për 30 ditë. Ftesën për partitë politike, e bëri të ditur dje vetë Kurti.
“Së pari ta shohim kush po vjen, si po ecën e mandej shpresoj të kemi çfarë të themi”, tha Kurti para takimit.
Kurti ka shkruar dje se aktgjykimi i Kushtetueses thekson qartë se konsituimi i Kuvendit është obligim i të gjithë deputetëve dhe jo i vetëm një partie politike. /Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
