Emisari i Bashkimit Evropian për dialogun Kosovë-Serbi, Peter Sorensen,  njoftoi se sot ka pasur biseda ta ndara me kryenegociatorët e Besnik Bislimi e Petar Petkoviq.

Kjo është biseda e parë prej marrjes së detyrës nga Sorensen, nga paraardhësi i tij Mirosllav Lajçak.

Sorensen ka shkruar në rrjetin “X” se i vlerëson bisedat “shumë të mira dhe i mirëpres ftesat e tyre për t’i vizituar Kosovën dhe Serbinë”.

Sorenses nuk dha më shumë detaje rreth bisedave e as rreth vizitave të mundshme në Prishtinë dhe Beograd.

Spoke separately with the two Chief negotiators of Kosovo @BislimiBesnik and Serbia @PetkovicPetar today. Appreciated the very good conversations and welcomed their invitations to visit Kosovo and Serbia soon.

— EUSR for Belgrade-Pristina Dialogue (@EUSR_Dialogue) February 6, 2025

Sorensen, i cili e nisi zyrtarisht punën më 1 shkurt, i zhvilloi këto biseda pak ditë pasi kryenegociatori i Kosovës, Besnik Bislimi, dhe ai i Serbisë, Petar Petkoviq, këmbyen akuza në rrjetet sociale.

Bislimi e akuzoi Serbinë për diskriminim dhe urrejtje ndaj shqiptarëve në Luginën e Preshevës, ndërsa Petkoviq e akuzoi kryeministrin e Kosovës, Albin Kurti, se dëshiron që komunat me shumicë serbe në Kosovë të udhëhiqen nga shqiptarët.

Nuk është e qartë se kur mund ta mbajë takimin e parë Sorensen në kuadër të dialogut, duke qenë se Kosova do të mbajë zgjedhje më 9 shkurt/