Emisari i Bashkimit Evropian për dialogun Kosovë-Serbi, Peter Sorensen, është takuar sot me Ambasadorin e Kosovës, Agron Bajramin. Ky është takimi i parë mes tyre që prej Sorensen ka marrë detyrën e Emisarit, më 1 shkurt.

Sorensen e ka cilësuar këtë takim të mirë, teksa ka thënë se pret të punojnë bashkë drejt normalizimit të plotë të marrëdhënieve mes Kosovës dhe Serbisë, shkruan Reporteri.net.

“Pres të punojmë bashkë drejt normalizimit të plotë të marrëdhënieve mes Kosovës dhe Serbisë”, ka thënë Sorensen.

Enjoyed a good first meeting with Ambassador @AgronBajrami today. Looking forward to working together towards full normalisation of relations between Kosovo and Serbia. pic.twitter.com/uJX4Im4hc2

— EUSR for Belgrade-Pristina Dialogue (@EUSR_Dialogue) February 18, 2025

Për takimin ka shkruar edhe Ambasadori Bajrami, i cili ka folur për normalizim me njohjen në qendër.

“Presim të bashkëpunojmë në formësimin e dialogut për normalizim Kosovë-Serbi, i përqendruar në njohjen reciproke dhe hapjen e plotë të rrugës së Kosovës drejt integrimit të shpejtë dhe të bazuar në merita në BE”, ka shkruar ai./Reporteri.net

A good first meeting with new @EUSR_Dialogue, Peter Sørensen. Looking forward to cooperation in shaping the #Kosovo–#Serbia normalization dialogue centered on mutual recognition & and fully opening of Kosovo’s path towards swift & merit-based integration into EU. pic.twitter.com/mvHQJTvXr4

— Agron Bajrami (@AgronBajrami) February 18, 2025