Gjatë ditës së djeshme në fshatin Broliq të Deçanit ka ndërruar jetë një gjashtëvjeçar.

Lajmi u konfirmua nga policia e Kosovës e cila tha se djaloshi 6-vjeçar vdiq si pasojë e plagëve të shkaktuara nga një armë zjarri, shkruan Reporteri.net.

Raportohet se deri te vdekja erdhi pasi i ndjeri po luante së bashku me vëllanë e tij në makinë, teksa dyshohet se e kishin gjetur brenda edhe një armë zjarri, e cila ka shkrepur duke e lënë të vdekur gjashtëvjeçarin.

I mituri ka marrë lëndime vdekjeprurëse nga arma e zjarrit në kokë. Vdekjen e tij e ka konfirmuar ekipi i emergjencës, ka deklaruar zëdhënësi i Prokurorisë së Pejës, Shkodran Nikçi.