Prokurorët e Gjykatës Speciale do të vendosin sot para vetes për ta marrë në pyetje edhe një epror të Ushtrisë Çlirimtare të Kosovës.

Ftesa tani i ka shkuar komandantit të Brigadës 136, Salih Lajçit, nga Peja, shkruan Reporteri.net.

Lajmin për ftesën dhe kohën e intervistimit të komandantit Lajçi e ka bërë të ditur Organizata e Veteranëve të Luftës në Pejë, të cilët edhe i kanë ofruar përkrahje ish-eprorit.

“Komandanti i Brigadës 136, z. Salih Lajçi, do të merret sot në pyetje nga prokurorët e Gjykatës Speciale”, thonë OVL UÇK e Pejës.

Ndërkaq, mësohet se komandanti i ftuar është invalid i luftës e gjithashtu vëlla i heroit Selman Lajçi, familja e të cilit, sipas OVL, kanë kontribuar për ndërtimin e paqes dhe shtetit të Kosovës.

Ndryshe, ftesa nga Specialja morën dje edhe përfaqësuesi i UÇK-së në Gjermani, Enver Shala, si dhe ish-luftëtarin Bashkim Ndrecaj, i cili është asamblist i LDK-së./Reporteri.net