Pas anulimit të takimit nga Kryeministri i Kosovës me Hashim Thaçin, ka reaguar Zyra e Presidentit të vendit.

Në njoftim thuhet se Kurti kishte konfirmuar takimin, por në minutat e fundit ka anuluar atë.

“Zyra e Presidentit në një përgjigje për media ka sqaruar se edhe Kryeministri i Kosovës, Albin Kurti, njëherësh lider i Vetëvendosjes, e kishte konfirmuar takimin e sotëm me presidentin Thaçi në orën 13:00. Ky takim, sipas Zyrës së Presidentit, është anuluar pak minuta para orës 13:00.
“Po, sot ka qenë i konfirmuar edhe takimi me kryeministrin Kurti, njëherësh lider i Vetëvendosjes. Ky takim është anuluar vetëm pak minuta para orës 13:00”, thuhet në përgjigjen e Zyrës së Presidentit”, thuhet në njoftim.

Kujtojmë që Presidenti i Republikës së Kosovës, Hashim Thaçi, gjatë ditës së sotme ka pritur në takim liderët e partive të ndryshme.

Së pari u takua me liderin e LDK-së, Isa Mustafën, pastaj me atë të PDK-së Kadri Veselin, por pas këtij të fundit në agjendën e Thaçit ka qenë të takohet edhe me kryeministrin e vendit, Albin Kurtin.

Por Kryeministri ka refuzuar një gjë të tillë duke i dhënë dy arsyetime, se së pari sot duhet të dëgjohet Vasfija e së dyti tha se nuk ka interes ta takoj Presidentin aktual.

Reporteri.net