Stabilizohet gjendja shëndetësore e nënës së Thaçit, familja del me njoftim

Lajme

Stabilizohet gjendja shëndetësore e nënës së Thaçit, familja del me njoftim

Reporteri

29 Dhjetor 2020 | 10:48

Familja e ish-presidentit Thaçi e ka falënderuar ekipin e mjekëve dhe tërë personelin shëndetësor të QKUK-së për kujdesin e treguar për nënën e tyre, Hyrë Thaçi, e cila po vazhdon të përballet me virusin SARS-CoV-2 në Klinikën Infektive.

Po ashtu, familja e ish-presidentit i ka falënderuar edhe të gjithë familjarët dhe qytetarët që gjatë këtyre ditëve janë interesuar për shëndetin e saj, duke njoftuar se gjendja e nënës së tyre është stabile dhe po përmirësohet gjithnjë e më shumë.

“Pas interesimit tuaj të madh për shëndetin e nënës sonë, Hyrë Krasniqi-Thaçi, e cila po vazhdon të përballet me virusin SARS-CoV-2 në Klinikën Infektive të QKUK-së, ju njoftojmë se gjendja e saj është stabile dhe po përmirësohet gjithnjë e më shumë.

Lexo edhe:

Hoxhaj për deklaratën e Trump: Shenjë se mund të jemi temë në agjendën e politikës së jashtme amerikane

Grenell e shpërndan postimin e Trump ku tha se “e ndali shpërthimin e luftës mes Kosovës dhe Serbisë”

Besnik Tahiri reagon pas deklaratës së Trump: Koha me u kfjell Kosova

Në emër të familjes Thaçi shprehim falënderim për ekipin e mjekëve dhe tërë personelin shëndetësor për kujdesin e treguar.

Po ashtu, shprehim falënderim për të gjithë ju që gjatë këtyre ditëve jeni interesuar për shëndetin e saj.

Me besim të plotë në profesionalizmin dhe përvojën e mjekëve dhe personelit të QKUK-së, e presim shërimin e nënës nga infektimi me Covid-19.

Nënës sonë dhe gjithë pacientëve tjerë ju urojmë shërim dhe kthim sa më të shpejtë në gjirin e familjeve të tyre”, thuhet në komunikatën e dërguar për media nga Familja Thaçi.

Shpërndaje: