Me pankartat në duar “Jo rritjes së çmimit të rrymës”, “Ndal varfërimit të qytetarëve”, “S’ka dritë me padrejtësi”, “Stop vjedhjes me tarifa”, dhe thirrjet “Asnjë cent ma shumë”, nën organizimin e iniciativës “Asnjë cent më shumë” u protestua sot nga ora 15:00 në sheshin “Skënderbe” dhe para objektit të Ministrisë së Ekonomisë, për të shprehur kundërshtimin ndaj rritjes prej 15% të tarifave të energjisë elektrike, shkruan Reporteri.net.

Organizatorët e protestës i kanë bërë thirrje ZRRE-së të mos merr vendim për shtrenjtimin për 15% të energjisë elektrike, në të kundërtën kanë paralajmëruar se protestat e tyre nuk do të ndalen dhe do të jenë masovike.

Besnik Shabiu nga “Asnjë cent më shumë”, paralajmëroi protesta të tjera edhe më të fuqishme në rast se kërkesat e tyre nuk do të realizohen.

Shabiu, tha se kërkesa e grupit ka qenë shumë e qartë dhe kësaj kërkese sot iu bashkuan siç pohoi masovikisht qytetarët të cilët nuk meritojnë të paguajnë asnjë cent më shumë.

“Kërkesa jonë ndaj ZRRE-së është të pezullohet vendimi për shtrenjtimin e energjisë për 15%. Deri të premten më 11 prill, kur ZRRE të merr vendim presim që institucionet të refketojnë dhe të heqin dorë. Hiqni dorë nga kjo ide e shtrnejtimit të energjisë ose do të përballeni me protesta masovike”, tha ai.

Kurse Ali Sefaj, tha se nuk do të lejojnë shtrenjtimin e rrymës.

“Jemi tëvendosur, nuk shtyhemi asnjë hap më pas derisa t”i realizojnë kërkesat tona, nuk kanë të drejtë me shtrenjtu jetën tonë.Proetstat tona do të masovizohen”, tha ai.

Pas fjalimeve, protestuesit kanë shkuar te objekti i Ministrisë së Ekonomisë duke brohoritur “Asnjë cent më shumë”, “Mos na shikoni, ejani bashkohuni”, “Rryma nuk është lluks”.

Edhe para objektit të Ministrisë së Ekonomisë, ku protestuesit vendosën parullat, Ali Sefaj paralajmëroi protesta masovike.

“Nëse ata nuk tërheiqn nga vendimi për shtrenjtimin e rrymës, kjo protestë do të duket shumë e vogël me atë çfarë i pret tha au”, tha ai.

Para objektit të Ministrisë të Ekonomisë, aktivisti Dibran Hoxha, tha se nuk do të lejojnë rritje të rrymës asnjë cent më shumë.

“Kurdo që është protesta e radhës nga një, dy, dhjetë shokë/shoqe më shumë, kjo nuk tolerohet, asnjë cent më shumë”, tha ai.

Zyra e Rregullatorit të Energjisë propozoi që çmimi i energjisë elektrike të shtrenjtohet për 15 për qind, duke nisur nga muaji prill i këtij viti. Një propozim i tillë u kundërshtua nga Presidenca.

Ndërkohë qeveria në detyrë propozoi një “rritje më të butë” të çmimit të rrymës.

Vendimi për shtrenjtimin ose jo të rrymës këtë vit pritet të merret më 11 prill, ndërsa tarifat e reja është thënë se do të mund të hynin në fuqi retroaktivisht nga 1 prilli, ose nga 1 maji. /Reporteri.net/.