Një rast i grabitjes është raportuar në mbrëmjen e së shtunës në rrugën “Nazim Gafurri” në Prishtinë.

Sipas një përgjigjeje nga Policia e Kosovës, një grua kishte raportuar se derisa po mbyllte lokalin, një person i panjohur dhe i maskuar e kishte sulmuar fizikisht me kondak të armës dhe më pas i kishte grabitur një çantë dore.

Në përgjigjen për Koha.net, policia ka thënë se i dyshuari ishte larguar në drejtim të panjohur, ndërsa viktima ka pranuar trajtim mjekësor në QKUK, e më pas është liruar për në shtëpi.

Policia ka bërë të ditur se është duke hetuar rastin.