Ministri i Punëve të Brendshme, Xhelal Sveçla, është takuar sot me Komandantin e KFOR, Gjeneral Major Enrico Barduani.

Sipas njoftimit të lëshuar nga Ministria e Punëve të Brendshme, Sveçla e ka uruar Barduanin për detyrën e re si Komandant i KFOR dhe e ka ritheksuar “përkushtimin e plotë të institucioneve tona për bashkëpunim të mëtejmë me KFOR”, shkruan Reporteri.net.

“Siguria, paqja dhe stabiliteti i vendit tonë dhe jo vetëm mbeten kryesore andaj të dyja palët u dakorduan për bashkëpunim e bashkëveprim të ngushtë me qëllim të realizimit të synimeve të përbashkëta”, thuhet në njoftim.