Kryeministri i vendit, Albin Kurti u ka propozuar që raportimin për dialogun ta vazhdojë sonte në orën 22:00, pasi siç tha ai ka disa obligime, shkruan Gazeta Online Reporteri.net.

Mirëpo, me këtë nuk u pajtua shefi i Grupit Parlamentar të AAK-së, Besnik Tahiri. Ky i fundit një gjë të tillë e cilësoi si ‘hajgare’.

“Normal që edhe ne e mbështesim me ardhë në ora 10:00, por kjo është një hajgare e madhe çka është duke ndodhur me këtë debat. Nuk e meritojnë qytetarët e Kosovës me u sjellë kështu, nuk e meriton një kryeministër me na lanë e pastaj me ardh në ora 10:00, se në ora 10:00 s’na kshyrë kërkush, se tanë e kshyrin Big Brother”, tha Tahiri.

Në fund, të gjitha grupet parlamentare u pajtuan që raportimi të vazhdojë në orën 22:00.